English Site

Sunday, February 26, 2012

قصة محمد رشاد من الاسكندرية



محمد رشاد من الاسكندرية.. ٢٥ سنة ..واخد ١٥ سنة حكم عسكري من ابريل.. .. في سجن الغربينيات .. متهم في قضية بسبب خناقة مع ظابط جيش كان لابس ملكي
الظابط وواحد تاني كانوا بيتخانقوا.. محمد رشاد دخل يفض ومايعرفش انه الراجل ظابط.. الظابط ضربه بالطبنجة علي دماغه.. محمد خد ١٠ غرز وبعدين روح البيت
القوات الخاصة راحت منطقة ابو قير ضربت نار في الهواء وجابت محمد من بيته وضربوه وحاكموه بتهمة سرقة سلاح الظابط والتعدي عليه

محمد عنده بنت عندها ٣ سنين وبيعول والدته.. والدته باعت شقتها عشان تدي المحامي ١٠ آلاف جنيه وماعمالهاش حاجة..
والدته بتشتغل دلوقتي عاملة نظافة في الأكاديمية البحرية ب ٢٠٠ جنيه .. زيارة محمد ابنها في سجن الغربينيات بتكلفها ١٦٠ جنيه لانه بعيد جدا

الظابط المعني عمل صلح وتنازل لكن المحاكم العسكرية لا تعترف بالصلح مادام الحكم صدر
كمان اهل محمد مالحقوش يجيبوا شهود من المنطقة يشهدوا قبل صدور الحكم
الحكم بيصدر في ٣ - ٥ ايام . لا يوجد جهة تحريات في القضاء العسكري





صورة من اقرار الصلح والتنازل من الظابط المعني
صورة من قرار الاتهام لمحمد رشاد في القضية



نريد محاكمات مدنية عادلة تنصف المظلومين - لأن اللي بيتظلموا دايما هما الغلابة واللي مالهومش ضهر

No comments:

Post a Comment