English Site

Tuesday, February 26, 2013

غدا الحكم في قضية القرصاية

عارفين مين اللي في الصورة؟



دول اطفال ٥  شباب من معتقلي القرصاية من عائلة واحدة :
حسن شحاتة صالح حسنين
سالم شحاتة صالح حسنين
سامي شحاته صالح حسنين
حسن شعبان سالم مرسي
محمود شعبان سالم مرسي

الخمسة دول مقبوض عليهم من فيلا أحمد بدوي في القرصاية. كانوا هناك بيزرعوا شجر باليومية بقالهم كام يوم.  لما الجيش نزل الفجر و قتل محمد عبد الموجود و ضرب الأهالي و اعتقل منهم, قبض عليهم الخمسة و هم نايمين في الأرض اللي كانوا بيزرعوها.
وهم بيتقبض عليهم، اتكتفوا واترموا في مركب الجيش من علو، فسالم شحاته اتصاب في رجله وحالياً لازم يتشال أو يتسند عشان يتحرك.

شايفين البنت اللي فى نص  الصورة ولابسة احمر؟ اسمها فاتن .
فاتن ما بتفوتش زيارة لباباها -سامي شحاتة- في السجن و مستنياه يخرج. و العقد اللي هي لابساه هو عاملهولها على طول قبل ما يتحبس.

بكرة النطق بالحكم على معتقلي جزيرة القرصاية ... يا رب يرجعوا كلهم لعائلاتهم و بيوتهم
دعواتكو

No comments:

Post a Comment